भोंवप म्हळ्यार एक धाडस आनी संवसाराकडेन चवकसपणान पळोवपाची एक आगळीवेगळी संद.
संवसार नेटान बदलता तसो आमकां सगळ्यांक अदींमदीं ही संद मेळटा.
आमचे मानसीक भलायकेक घटसाण दिवंक ही संद कशी वापरप तें मात आमचेर आसता.
प्रवासाचे भरपूर फायदे आसतात.
१) तुजी नोकरी, लागणुको आनी जापसालदारक्यां वांगडा येवपी नित्यक्रम आनी ताणांतल्यान तुका विसव मेळटा.
२) स्वताकडेन आनी सैमाकडेन/ नव्या अणभवांकडेन मेळ सादपाची संद तुका मेळटा.
३) प्रवासाक लागून परिस्थितींक तोंड दिवपाची कापाझदाद, अनुकूलताय आनी लवचीकताय निर्माण करूंक मजत जाता.
४) तरेकवार खाणां-जेवणां, संस्कृतायो, लोक आनी सैमाविशीं नव्यो गजाली शिकपाक मेळटात.
५) भोंवडेर वतकच आमी भव्य आनी इतिहासीक सुवातो पळयतात, थळाचो एकमेव असो परमळ तशेंच ताचो इतिहास आत्मसात करतात. ताकाच लागून प्रवासांतल्यान खऱ्या अर्थान आमच्या सगळ्या इंद्रियांक थाकाय मेळूंक शकता.
६) खास करून सैमांतल्या सोबीत राबित्यांनी भोंवडेर वतकच आमकां ताणांतल्यान सुसेग मेळटा ही खरी खबर.
७) हाचेर पिराय वा लिंगाची मर्यादा आसना. आपल्या गरजेप्रमाणें आनी आपल्याक कितें परवडटा ताच्या कोंतान कोणूय भोंवपाक वचूंक शकता.
8) भुरग्यांच्या सान वाडपी मनांखातीर, आभासी संवसारापसून पयस रावपाक आनी आयुश्यभराच्यो यादी घडोवपाक मजत करपी समृध्द अणभवांतलो प्रवास हो एक.
९) धाडशी खेळ आनी पर्वतारोहण, कॅम्पिंगाक वचप हें उमेदी लोक आनी सैम मोग्यांक आपले वटेन ओडटा.
१०) तीर्थयात्रा करपी जाण्ट्यांक वनप्रस्थश्रम अणभवंक मेळटा आनी तीर्थयात्रेच्या आदारान ते वैराग्य आनी पिरायेक सोबसारक्यो लागणुको शिकतात.
एकंदरीत नदरेन, एकटुक्यान वा कुटुंब म्हूण भोंवडेर वचप ही नात्यांक घटसाण दिवपी आनी एकामेकाक दितात तो आदार वाडोवपी कार्यावळ. हांगा वळेरी करूंक कठीण इतले सकारात्मक फायदे आसात प्रवासाचे.
प्रवास करप हें आमचे मानसीक भलायकेक घटसाण दिता अशें म्हणल्या उपरांत, प्रवासाच्या कांय अडचणीच्या पैलूंचेर मदर मारया.
१) फाटभूंयेचें योग्य संशोधन आनी गरजेच्या गजालींबगर प्रवासाची येवजण आंखल्यार ताण वाडूंक शकता.
२) अमली पदार्थांचें सेवन तशेंच स्वताची जतनाय घेवपाच्या संवयींकडेन दुर्लक्ष करप हें पांयार कुराड मारील्लेवरी थारूंक शकता.
३) बाबत नियोजन केल्ली भोंवडी खऱ्यांनीच एक वायट सपन कशें आसता.
४) प्रवासांतल्या वांगड्यांक आनी सुरक्षेच्या उपायांचेर फावो तें लक्ष दिवपाची गरज आसता.
५) भोंवडेर गेल्लेकडेन जाल्ल्या अपघाताक लागून भोंवडेचो भंय आनी अतार्कीक भिरांत निर्माण जावंक शकता.
६) अर्भक, अपंगत्व आशिल्ली व्यक्ती आनी पोशिल्ले प्राणी अशा खाशेल्यो गरजो आशिल्ल्यांवांगडा प्रवास करतना अदमासाभायर कळाव जाल्यार आनी मुळाव्या साधनसुविधांचो उणाव आसल्यार काळजेचो भार खऱ्यांनीच वाडूंक शकता.
७) भोंवतणीं लक्ष दिवंक नाशिल्ल्यान उंचायेवयल्यान पडप अशा निश्काळजी आनी निर्दय वृत्तीक लागूनय लोकांचो जीव वचपाच्यो खबरो आदींसावन आसात (सॅल्फींक लागून मरप/ अचकीत हुंवार येवप)
8) कोणूय आपलो डिव्हायस (स्मार्टफोन) बंद करूंकच शकना जाल्यार तो जिणेखातीर यादी तयार करता काय फकत लायक्स आनी प्रसारणाखातीर डेटा एकठांय करता?
९) रीण काडप आनी तांकची ना अशी गुंतवणूक प्रवासांत करप हे लेगीत ह्या निरुपद्रवी छंदावरवीं दामून दवरिल्ले मुळावे मानसीक भलायकेचे प्रस्न आसूं येतात.
१०) अखेरेक, तुज्यो पयलींच कसल्योय वैजकी समस्या (शरिरीक तशेंच मानसीक दोनूय) आसल्यार भोंवडेर वचचे आदीं सदांच दोतोराचो सल्लो घेवचो.
प्रवास सुखाचो जावूं!
(Special thanks to Ashwini Kamat for Konkani expertise & support!)